回顧返18~19個月既龍BB 明顯又大個仔左D喇, 而且開始知道咩係自律, 假期同龍BB 落會所玩佢會知道要排隊先可以Sir 滑梯, 見到D 玩具跌左落地會先拎起放返原位先再走去玩, 玩完會自動將玩具收好放入箱, 有時佢見到D 細過佢既朋友仔比較怕醜, 龍BB 會主動拎玩具比佢地玩, 不過另一樣係相信龍BB 真係好鍾意同D 大過佢既朋友仔玩, 次次會企係到望實D 哥哥姐姐玩, 望完一大輪就會走埋去想同佢地一齊玩, 可惜有時有D高難度動作龍BB 都會學埋一份呢=.=" (例如吾係坐底Sir 滑梯, 而係學哥哥由Sir 滑梯上面走落去) 龍BB 真係好大膽, 當然我會即刻阻止佢啦! 另外每當龍BB 一知有街街去就會自己拎鞋仔著(識分左右腳), 有時重會拎埋比我地! 去完街一入屋又會自己除鞋再放返去原位!
雖然龍BB 有乖巧自律既一面, 但亦要講下佢曳既一面! 出親街吾肯拖大人, 攪到Daddy 成日要好似捉雞仔咁捉住佢/抱起佢吾比佢走, 但係當一阻住佢前進, 龍BB 就會扭到爆, 通常依D 咁可怕既場面都係會交返比Daddy 處理(打Pat Pat)! 龍BB 係一個好心急既小朋友, 佢想要既野要即刻比, 如果吾係會扮扭計, 所以我會教佢學習下等待, 吾係下下話要就有!
食
一樣係吾鍾意食飯, 不過見我食刺身飯佢又會好鍾意食, 但係D 飯涷都吾敢比咁多佢食, 另外河粉/通粉都好鍾意食!
進食時間 7:30/7:00(7安奶)~13:00(粉)~18:30/19:00(少飯)~21:30(7安奶)
訓
重係要我陪先肯訓, 吾知要幾大先可以訓練到佢自己訓一間房呢......
便便
一日一至兩次, 好暢順!
重未教佢介片片去洗手間! 龍BB 成日沖涼前都會手多多要禁下個沖厠制開心!
佢超鍾意沖涼, 通常去完街龍BB 會第一時間除鞋放返好, 跟住會一支箭衝去拎埋個籃球仔再自己企入浴缸等沖涼!
發展
講野進步左DD, 雖然都係會講一大輪BB 話, 但有時會聽到D簡單句子(而家每朝起身龍BB 會指住房門跟住講" Daddy 奶奶" 講多兩三次Daddy 就會彈起身沖奶, 而我就繼續訓, 哈哈...奸笑中XD)!
Oh No, 喔Oh 已經變左佢口頭蟬!
雖然講野進步左, 但係有D字仍然講得好攪笑, 例如'餅餅'讀做'丙丙'
佢好鍾意唱歌, 間中識跟住我唱幾句Little Twin Stars!
認得好多動物, 叫佢幫手抺屋企張Playmat 上面既動物, 例如Lion, Bear, Monkey 佢都會跟住抺!
上兩個月佢好驚刷牙, 而家已經好鍾意自己刷牙喇, 暫時只係用清水刷, 刷完會自動比返我清洗!
1Y6M1D~ 同表哥一人一架車車 (表哥, 你個表情洗吾洗咁奸呀 haaaa)
1Y6M2D~ 星星氫氣球比龍BB 玩到殘晒 (媽咪同你影相, 吾該戴返好頂帽先)
1Y6M3D~ 龍BB 幫隻狗梳完頭重要強吻佢XD
1Y6M4D~ 食甜筒仔食到Lam Lam 脷 (龍BB 個口好大呀, 成個塞落口=.=)
1Y6M4D~ 一個大細路同一個細路玩到無野好玩 (Daddy, 你個囝咁重, 舉完佢之後隻手有無抽根呀 heeee XD)
1Y6M10D~ 食完野, 又一張Lam Lam 脷既相, 好可愛! 不過比返D 儀態好喎, 吾好伸手入口啦
1Y6M24D~ 有相為証, 真係龍BB 自己疊到咁高, 不過疊到第六個就跌晒落黎喇!
嘩，好識食，想食刺身飯。
回覆刪除佢真係好識食, 比佢食過一兩啖就追住食......
刪除燒腩仔到宜家都係叫餅餅做「柄柄」㗎
回覆刪除如果佢地見面可能會用依D咁攪笑既BB話溝通到喎haaaa
刪除沖涼、Daddy 奶奶>龍BB好搅笑又好可愛^o^
回覆刪除嘩，可以七点食完，到一点才食，我都想試下幫一仔轉依個schedule，但佢上午無瞓，下午一点幾就要去瞓呀！
7:00~13:00 中間會有時比d 包包/餅餅佢食, 加上佢勁鍾意飲水, 所以都頂到去13:00!
刪除到左13:00 佢就自然會食到一碗粉!
龍 BB 好自律,抵錫呀！
回覆刪除小朋友在識行之後有一段時間扭落地，但遲d就會扭返抱架嘞
回覆刪除佢真係精力旺盛, 一落地跑呀跑, 真係好煩惱~~
刪除龍bb好自律呀.叻仔!
回覆刪除同埋龍bb好好肉地呀, 佢係咪好重磅架?
上個月返1歲半健康院有28 lbs, 今個月無磅我估都係差吾多!
刪除個個bb都鍾意同大過自己既玩!
回覆刪除佢係咪出親街都以為自己係大人, 所以先唔俾你地拖呀? XD
佢吾比拖真係好煩, 有時佢又周圍望跟住撞落人地度, 捉住佢又吾得, 抱住佢又吾得, 攪到我真係怕左自己同佢落街, 真係攪佢吾掂!!!
刪除龍bb真係好乖仔ar
回覆刪除乖既時候又真係氹得人幾開心既, 但係曳個陣真係激到我彈起......
刪除龍B好叻叻喎，仲要一早淨係叫Daddy奶奶，真係叻仔，嘻…
回覆刪除