最近好有感而發, 好想舒發下!
平日返工見到龍BB 既時間只有朝早臨出門口前(龍BB 通常較啱依個時間起身), 就會好依依不捨(大喊/拖實我吾比我走) 咁睇住我出門口, 有時要忍心D 先得, 不過出左門口都聽到龍BB 喊真係心都痛埋! 另一個時間就係去婆婆度接龍BB 返屋企沖完涼再陪佢玩一陣, 好快到9點半就陪佢上床訓覺喇! 其實見到龍BB 既時間真係好吾夠 , 我覺得自己少左好多時間教佢陪伴佢, 最近龍BB 連"媽媽"都叫少左, 有時叫佢攬攬都無咩反應吾理我, 不過好彩龍BB 都重好樂意錫錫我, 如果連咁都無反應就真係hurt 爆我個心!
另外又覺得龍BB 曳左好多, 平時聽公公婆婆講龍BB 勁活躍, 係屋企走過不停擒枱擒"隥", 攪到成日撞到周身損/瘀, 就算公公婆婆鬧佢都吾驚! 講真我放工返去見到咁真係好吾開心, 好似因為我要返工無得好好管教佢而放縱左佢變得曳晒!
至於教導方面又退步左, 本來想同佢介片片, 但係平日公公婆婆又吾協調, 覺得吾洗咁早介既關係所以就無左件事, 唯一辦法係放假先可以同龍BB 嘗試介片片, 不過講真一星期七日得兩日先介其實真係無咩大作用, 真係吾知可以點做! 之前FTM 個陣覺得龍BB 好授教, 而家少見左龍BB 好似教佢野都吾係點理我, 連學講A至Z / 1至10都少講左!
今晚放左工攬住龍BB 又念起依個問題, 再同老公傾訴個陣真係忍吾住攬住龍BB 喊, 覺得自己返工比少左愛龍BB, 我好想再比更多更多更多既愛同付出去教導,照料龍BB!
龍BB, 媽咪真係好愛你, 雖然少左時間陪你但係希望你吾好嬲媽咪, 媽咪會再盡最大努力去愛錫你同陪伴你, 你永遠都係媽咪最愛既寶貝!
好佩服龍BB 可以用輕功坐住個氣球咁耐睇電視, 跟住我叫佢坐返後D 就即刻拿拿臨捱住梳化坐, 真嘆!
龍BB 玩咩玩到O 晒嘴, 就係當龍BB 一拎開Daddy 隻手見到佢個"加拿大"之後個反應, 哈哈!
明你感受。因為你一開始就係ftm!可能龍bb 都要時間適應下!唔好唔開心咁耐，唔好比太大壓力自己!加油!
回覆刪除可能因為覺得龍BB對我又冷淡左，所以有D吾開心！
刪除畀D時間大家適應啦，搵個大家都舒服嘅相處模式，好快就無事㗎啦
回覆刪除希望可以快D適應啦^^
刪除龍BB同一仔一样咁早瞓呀，变了少了時間同佢地玩，唯有放假時陪佢地玩返多d。
回覆刪除係啦，比d時間大家適应，遲d龍BB要返学添，有得学野同玩，情况会好d！
龍BBd輕功真係好厲害！:P
可能龍BB返左學有得玩更加吾理媽咪，嗚嗚……
刪除原來個'功'字咁寫，掛到去嘴邊但係又吾記得點寫！等我改返先！
媽媽永遠都覺得時間少太唔夠用, 我地而家只係得兩日時間見tarebaby, 比你仲少, 所以我地好珍惜同tarebaby 相處既時間.
回覆刪除我同你相反, 我七月頸開始會做ftm, 自己都覺得要時間適應下, 我轉既原因係想多點時間同tarebaby一齊, 希望到時唔好咁快變顛婆~
我覺得龍BB 一路長大一路就會懂事, 亦都會知道媽媽爸爸返工係為左養肓自己, 媽媽既愛係唔會少嫁, 只係時間少左, 大家努力~
恭喜你可以做FTM 多D時間陪tarebaby, 可以自己親手湊大個小朋友其實係一件好幸福既事, 加油呀!
刪除唔好喊呀。。大人細路都要有一個適應期，我相信龍BB一定知道媽咪係愛佢錫佢嘅。加油呀！
回覆刪除攬住龍BB 個刻真係忍吾住......
刪除希望依個適應期快D過!!
突然少左時間陪個仔，一定會有d唔習慣，唯有大家慢慢適應啦，加油!!
回覆刪除所以一放工放假即刻要爭取時間陪龍BB, 希望依個適應期快D過!!
刪除同感同感同感同感同感... 因為我自己不僅是在職媽媽, 仲要輪班添, 近來返到屋已經11PM, 瞕瞕一早訓左, 我很失落
回覆刪除輪班真係重難就D時間, 你有無念過搵返D 時間穩定D 既工?
刪除好難, 因為一入左政府工便走不了
刪除慢慢就慣啦，我都係好少陪佢地，我地都盡量抽時間weekend陪佢地多D呀，吾好吾開心，加油！
回覆刪除我而家weekend 都會全日比晒龍BB, 希望可以增加返d 親子時間!
刪除可能之前龍e你可以成日陪住龍B，所以你同龍B一時間未習慣呀，龍B一定知你錫佢架！
回覆刪除我一直都係在職媽媽，雖然都係放工同weekend先陪到肚B，但多啲陪小朋友玩佢係明架，宜家肚B都最痴我架～
龍B坐住個氣球睇電視，真係輕功水上飄，勁呀！
哈哈, 可能我同佢講會爆架, 所以佢就運用輕功就住就住先坐得咁耐!! (但係佢個樣又好似坐得好舒服喎XD)
刪除呢種感覺我明呀 T_T
回覆刪除我同你嘅模式差唔多, 不過我見得仲少, 因為我唔會湊佢返屋企, 極其量去婆婆度探, 慘~
你既感受我完全明白呀, 龍媽媽加油! 我同你見bb既時間差唔多, 唯有爭取時間同佢邊玩邊教,
回覆刪除bb一定會知媽咪係全世界最錫佢既人, 佢最終都會最痴媽咪同最錫媽咪架~
咁啱你返工遇著佢開始terrible two啫. 唔洗太自責呀. weekend同佢玩番夠本!
回覆刪除我仲放緊假，都好怕返工後，無時間同南瓜仔玩。
回覆刪除但無法，始終都係要搵食。