期待左好耐既PN 親子運動會終於完滿結束, 老公專登拎假一齊去參與, 話晒都係第一次同龍BB 參加學校既運動會當然要親子同樂啦!
依日學校BOOK 左同區的室內運動場, 我地坐MTR 一個站就到超方便! 準時9:00am到達現場已經見到好多同學仔, 我地先去同班主任點名亦不忘擁抱影返張靚靚合照!
點完名龍BB 就去搵佢最Friend 既同學仔一齊坐定定等開始, 坐左一陣佢地已經好快坐吾定要伸展下手腳, 哈哈!
佢地好似兩兄弟咁Friend 過打band, 你搭下我博頭我又攬下你, 重要玩到碌晒地, 盡顯男仔活躍一面!
好快要開始遊戲, 小朋友們各自坐返原位做下熱身先, 其實D 熱身動作都有D 難度要搵Daddy 出馬, 先黎一個 "虎背熊腰騎馬仔" 龍BB 笑到卡卡聲!
之後再黎一個 "大鵬展翅", 依個動作係Daddy 自己加上去, 力的表現~~
最後一個 "彈弓跳" 依龍BB 而家34磅既重量真係辛苦晒老公了, 哈哈哈哈哈~~
熱身完開始玩遊戲, 會場要將隻巨型大鴨由頭傳到落尾, 隻鴨重大過龍BB, 傳完巨鴨就各人例隊要親子合力將隻巨鴨由起點推到去前面雪糕筒之後再堆返來起點, 兩父子好落力, 龍BB 都玩得好投入!
之後輪到小朋友合力打怪獸, 兩兄弟起跑時都幾好, 點之跑跑下跑埋過隔離隊, 同學仔媽媽要捉雞仔捉佢地返來繼續完成遊戲, 笑到現場D 人爆肚~~
之後到 "騎馬仔", 龍BB 負責騎馬仔彈下彈下咁去終點, Daddy 就負責騎住個藍色波彈去終點, Daddy 又要一路彈一路驚龍BB 失平衡跌親間中扶下佢, 睇見到攪笑~~
最後到 "拉滅火筒", 龍BB 開頭吾識左右手大力拉原理, Daddy 示範後龍BB 好快就好落力自己拉個滅火筒回終點!
其實Daddy 排隊玩遊戲中途龍BB 就一直同同學仔玩, 依個女同學同龍BB 好似一對小情侶咁倆小無猜, 佢地一直拖住手仔, 玩玩下重趁我吾為意時互鍚嘴嘴, 當我見到已經趕吾切阻止(吾係龍BB做主動架, heeeee), 之後倆個坐地下玩, 女同學好小鳥依人咁捱落龍BB 到, 可惜維持只有幾秒影吾切相, 吾講真係以為佢地拍緊拖, 點解而家D 小朋友咁早熟既, 佢地真係好可愛呀haaaaaaaaa
之後龍BB 又同其他同學仔玩拖手排隊, 我覺得好安慰, 見龍BB 大個仔喇, 有自己既社交結識吾同朋友仔一齊玩, 和同學仔玩得好融洽, 真係好感動, 一念起龍BB 越大就越吾捨得, 有D 眼濕濕 >.<
到完場老師叫大家一齊做動作, 見龍BB 都好投入好乖咁跟住老師一齊做, 平時真係無咩機會見到佢有無乖乖上堂聽老師話跟指令, 而家見到龍BB 表現好好, 我都放心晒!
扮兔仔跳, 龍BB 越跳越開心!
