食
龍BB 重35 lbs, 高94cm, 仍然係早晚各一支7安奶(大愛), 間中加一支５安奶做下午茶, 正餐飯/麵肯食一大碗, 鍾意食麵, 菜, 魚肉, 雞肉! 多數自己拎匙巾/筷子食野, 有時見佢食得慢我會忍吾住手喂佢!
發展
超有活力, 無時無刻都好活躍又鍾意跑, 成日見到同學仔就超開心撩人跑, 有時都好怕佢有過度活躍証! 出街肯拖大人吾會周圍跑, 好過之前好多了, 我成日同佢講一跑就會比壞人捉/警察叔叔捉返差館, 龍ＢＢ就會好驚即刻拖住我!
Trouble 2 出晒黎, 脾氣大左臭左, 越來越有自己一套, 有時重好堅持咩都要自己做吾洗人幫, 例如:
刷牙要自己刷, 吾比我幫 (有時驚佢自己刷吾乾淨)!
沖完奶念住幫佢拎埋入房又吾得, 係都要自己拎住支奶由廳行入房再放好後拎埋張紙巾先得, 做少一Part 又要由頭做過, 真吹脹 (要做晒成個過程先安樂)
做事好有原則, 吾鍾意人整亂/移動佢Ｄ野, 有時念住幫佢整可以快Ｄ, 但係佢會要我放回原位再比佢自己整過, 反而重用多左時間 =.=
識講自己係男仔Boy, 出街會指住小朋友講依個係男仔/女仔!
好鍾意唱歌跳舞, 又會自己改歌詞唱歌!
重未識畫直線, 成日油畫油到出晒界, 不過佢會自己講＂下次比心機, 吾好油出界＂,最後都係油晒出界!
問親龍ＢＢ乖吾乖, 佢會讚自己乖乖叻叻, 上堂聽老師話, 比心機讀書!
問龍ＢＢ最鍾意邊個, 佢會先答媽咪之後再講Ｄａｄｄｙ! 問佢咁你要點呀, 佢會答孝順Daddy媽咪 (吾激我個陣又真係會比龍BB 冧爆)
訓
12:00pm放學食個Lunch, 2:00pm~2:30pm點就好準時要訓至少3個鐘! 夜晚大10:00pm~10:30pm 先肯訓!
成日話好鍾意返學, 朝早起身好乖換校服, 有時我話遲到要快Ｄ, 佢又會加快手腳換校服！
Poo Poo/VV
已成功介日片VV, 會另開新一篇Blog 再詳細講！
龍ＢＢ: 睇下邊副眼鏡型仔Ｄ先！(設計對白)
龍ＢＢ: 你睇我吾到，我睇你吾到！(設計對白)
龍ＢＢ: 巴斯光年先生，我驚驚呀，你保護我啦！(設計對白)
龍ＢＢ: 點解吾搵埋米妮一齊影相呀？？(設計對白)
龍ＢＢ: 媽咪，我地咁近睇煙花，Ｄ煙花會吾會跌落黎架，我無眼睇！(設計對白)
龍ＢＢ: 我的志願 Policeman！(設計對白)
龍ＢＢ: 我要比心機油畫，油呀油呀！(設計對白)
媽咪: 吾該望鏡頭影相 (真實對白)
龍ＢＢ: 我Ｖ (真實對白)
媽咪: 吾該Happy face (真實對白)
龍ＢＢ: 我Ｅ (真實對白)
龍ＢＢ真係好乖，主動親力親為幫手拎野返屋企！
沒有留言:
張貼留言