極速介日片

2Y6M18D (2015.5.18)

龍BB 踏入2歲半終於成功介片片喇, 今次真係要用極速黎形容, 因為龍BB只用左一日時間就成功, so far 到而家接近一個月都無失過手, 叻叻!

話說大约龍BB 2歲時試過同佢介片, 但係覺得佢未ready, 佢當時無意識講vee vee / poo poo, 聽好多人講過小朋友如果未ready 就吾好迫佢, 咁樣反而可能會有反效果對心理同生理都吾好, 所以我見吾對路就停左無再刻意同佢介片片!

直到3月學校下學期開始眼見龍BB 大部份同班同學都已經吾著片片返學(同學全部係6月前出世大B, 只有龍BB 係11月出世细B, 比龍BB 接觸多D大B同學可以有個學習對象, 因為幼稚園大B各方面都會優勝D)! 入返正題先, 加上今年龍BB K1會轉校, 學校出名要學生自理能力好, 首要係介片片自己去toilet, 所以我更要決心4月去完旅遊返黎天氣開始熱就同龍BB 介片片!

首先我買定一堆底褲仔比龍BB, 驚一日要換好多條! 介片第一日我同龍BB 講'媽咪買左好多好得意底褲仔比你, 大個仔要著底褲吾著片片喇, 又教佢吾好呵濕底褲會吾舒服, 叫佢想vee vee / poo poo 一定要出聲講toilet vee vee'! 如是者頭一日每隔半小時就叫佢呵vee vee, 試過尿濕左2次, 再不斷提佢吾好呵濕底褲! 

之後第二日放學無濕片就同龍BB 換底褲, 著底褲前問佢依條咩黎? 龍BB 答底褲, 再問想vee vee要點, 佢已經識答去toilet vee vee, 吾呵濕底褲! 每隔半小時問佢要吾要vee vee, 佢會表達yes or no, 有時見佢夾下夾下就會同佢vee vee, 每次又重覆問想vee vee 要點, 好似洗腦式咁教!

到第三日放學無濕片, 屋企又無尿濕底褲就擔粗粗夜晚落街食飯吾著片片成功!

第四日開始無著片返學成功, 重學識自己JJ, 之後同佢出街遠少少坐車行街都成功, 不過為免失手同出街無toilet, 我會帶定多條褲, 樽仔出街!

不過呵poo poo 重未慣大人toilet, 所以佢一想poo 就會講著片片呵poo poo 之後自己走去拎片著住poo poo! 龍BB 每日有午睡習慣, 為免日日洗床單所以都有著片訓!

下一步係夜片, 不過吾急要等龍BB ready 先, 暫時等我重可以一覺訓到大天光!

龍BB: Yeah, 媽咪我得左喇, 我大個仔喇!