3rd Happy Mother's Day 2015

2Y6M9D (2015.5.9)
星期六入左迪迪尼食Buffet 預早慶祝母親節, 咁啱依日又係會員購物日6折, 聽到都興奮, 我已經預備定吾少彈藥了! Btw, 點解母親節都好似變左兒童節咁會入迪迪尼玩同買野比龍BB, 其實因為吾理咩日子只要見到龍BB 開心我就開心了 ^^ !

我地Book左2:45 個Round, 可惜天公不造美, 沿路坐Shuttle bus 入酒店時已經開始落大雨, 本來見到個迷宮重想入去玩Tim~~


入到酒店門口見到Mickey & Minnie緊係要影返張相啦!
   

再落一層就到 "翠樂庭" 入口!
  

 入坐後Mickey 第一個行過黎影相, 當時龍BB 有D 嚇呆左, 因為佢係第一次咁近距離同Mickey 影相! 之後我叫龍BB 企係到同Mickey 影相, Mickey 好熱情想將龍BB 抱入懷抱, 嚇到龍BB 即時想逃走, 哈哈!
    

之後到Pluto 行過黎, 龍BB 已經開始無咁驚, 識同Pluto 打招呼!


輪到Goofy 影相龍BB 重識走去同人扼手, 好攪笑! 其實到而家我都吾係好識分Goofy 同Pluto 個樣!


最後就同Minnie 影相係最肯企定定!


Buffet 種類都算多, 味道都吾錯, 我地得一個半小時又要掛住影相又要食, 其實真係吾夠時間!
 
 
 
 
 

 甜品好精美, 見到個樣咁可愛都吾捨得食!
 
 
 
     

食完再返入迪迪尼, 因為重落緊好大雨所以我地只係玩左3D 館就去Shopping!
Chock 樣龍BB ~~


因為落大雨攪到好多人走晒入Shop 避雨, 人多到想行都行吾到, 再加上6折關係, 好多野都已經比人搶購一空, 本來我一心想買架Mcqueen 長貨車比龍BB, 點之全線斷貨, 好可惜因為真係好抵, 正價$5XX, 折後$3XX! 最後幾經辛苦都買左D 戰利品返屋企!

最後想講下個Mickey Minnie 一對鎖匙扣, 係老公要求買一人一個扣住, 我重叫佢念清楚係咪想買, 咁大個男人重扣住隻Mickey 出街, 老公話Mickey Minnie 著住婚紗係代表我同佢, 所以要扣住......嘩, 我聽完真係冧爆左, 女人真係易氹!
 

到左星期日母親節正日切蛋糕, 龍BB 重親手將學校教整朵花送比我, 重講左好多次'母親節快樂, happy mother's day' 我真係甜在心!
 

回顧
2nd Happy Mother's Day 2014