清胎毒(龜苓膏)

30/8/2012(32W)
琴日經過見到健康工房,龍B媽又忍吾住入左去食龜苓膏清胎毒喇!個EE見到我個肚就問幾大,當知道8個月後就話而家食差吾多喇!佢重建議龍B媽熱食會吸收D,涷食就會太涼(心念:吾係涼D好D咩?)!但由於行完街太熱關係,所以最後都叫左個涷食!

當一路食就一路覺得有D吾妥,個子宮收縮得好勁,有少少痛,個感覺係好似M到後食涷野個隻痛,有時龍BB重會踢得好勁!就係咁要用一個鐘頭先食完個龜苓膏!

回家途中都一直隱隱作痛,其實都有D驚架,吾知係咪前一日食完綠豆沙,第二日又食龜苓膏太密,定係我受吾到龜苓膏呢?!點算好呀,又想清胎毒但又怕龍BB會搶閘,究竟重食吾食好呢???

陀龍BB正式踏入第8個月

30/8/2012(32W)
今日陀龍BB正式踏入第8個月喇!

時間可以話快又可以話慢,頭幾個月覺得時間好似好漫長咁,有排都未生得,所以買野比龍BB時又可以慢慢格下價,睇下邊樣好D先再考慮都未遲!

間中又可以去聽下講座,行下BB展!念起都幾開心,可能有得Shopping買野比龍BB又有得拎禮物,心情都特別愉快!

直到依幾日,開始覺得時間過得好快,好似有好多野未準備好咁,但事實上眼見龍BB既用品都已經有齊,有時真係會驚龍B媽究竟重有無野漏架!因為好老實講,今次又係龍B媽第一胎,好多知識都係由Bolg上面既媽媽到得知,所以真係好彩有各位媽媽既提點!

最近開始覺得個肚又越來越大,越來越重(肚圍39", 體重129lb),龍BB又無時無刻咁踢,雖然有時覺得有D吃力,但係都會開心龍BB咁活躍!

而家龍B爸已經落左指令,吾比龍B媽再去咁多講座,行街Shopping之類,因為龍B爸驚龍B媽太辛苦!好彩,想聽既講座大致都聽晒,亦都學到好多有關懷孕既需知,真係幾有用!

重有兩個月就可以見到龍BB出世喇,龍B媽同龍B爸真係好希望龍BB係依兩個月內再不斷吸收多D營養,要肥肥白白,健健康康咁出世!千析吾好心急要見龍B媽&龍B爸搶閘出世呀,知無!

清胎毒(綠豆沙)

29/8/2012(31W6D)
琴日同Daddy講想食綠豆沙清胎毒,點之夜晚返娘家食飯時就即刻有得食啦!
太好喇,忍左口咁耐,終於有得食涼野喇,加上係Daddy親手煮既愛心綠豆沙,特別好味!

Pampers 尿片送貨

28/8/2012(31W5D)
8月BB展買既Pampers尿片琴晚送貨喇!由佢本來話5:00pm會到,點之等等等一等再等,等到8:00pm先到,D效率真係......!
本來龍B媽同龍B爸都只係打算買$600個Package就夠,因為驚太早買會無位擺,但係當日BB展睇返個$1,000Package時又好似覺得低D喎!其實佢無話買得越多就越平,只係買得越多就送得越多禮物!
龍B爸話尿片會用得好快,而家佢又包送貨吾洗自己拎,加上BB床下底又有位,咁就順理成章買左$1,000Package喇!
由於未肯定到龍BB用片既情況,所以就分散D Size黎買!最後就買左3包S碼,4包M碼,2包L碼!

5最高分
禮物吸引:

菲思力入會禮物

前兩日收到"菲思力"入會禮物!一個好陌生既法國牌子奶粉名,連龍B媽幾時入會都吾記得左喇!
3包12-36個月既BB奶粉,到期日2013年3月,到時龍BB都未夠1歲!

5最高分
禮物吸引:

 

痛哭

27/8/2012(31W4D)
琴晚訓覺前發生左一段小插曲!
事緣係因為我娘家發生左D問題,依個問題由我一開始有龍BB時都已經一直滋擾住我,直到而家龍BB 8個月了,娘家件事都一直未解決!
其實依件事真係令我好困擾,有時我都會不停同自己講吾好勞氣,吾好動胎氣,所以我一直都將EQ提升,無論如何都要以龍BB為大前提,一切都要為龍BB著想!
直到琴晚,又一次要訓練我EQ,但係發生就係發生左,嬲到我終於都忍吾住大喊左出黎,當時龍B爸都好嬲好心痛,龍B爸嬲係因為個問題係發生在我娘家,佢見我一直為件事吾開心,但又做吾到D咩!另一方面,龍B爸心痛係見我咁辛苦大喊左出黎!
其實當我一直勞氣,大喊時,龍BB真係不停咁踢我,個肚重有D痛!事後當我冷靜落黎時,我同龍B爸都即刻安撫龍BB,希望龍BB吾好咁驚!而我都好怪責自己,好後悔動胎氣,驚會嚇親龍BB!
吾知依D會吾會係產前抑鬱呢?我一定要調節下先得!

美素佳兒"產前育兒實習班"

27/8/2012(31W4D)
早排收到美素佳兒電話邀請參加"產前育兒實習班"!
佢話會有個假BB比你實習下,我都覺得幾有興趣(雖然之前已參加過Baby Planner,都係有假BB實習),不過我都想睇下有咩分別!
由於個場太細,所以媽媽吾多,連地點都同Baby Planner一樣!
內容教大家點幫BB沖涼,著衫,除衫,抱BB手勢......,雖然短短兩個鐘,但始終有個假BB實習下都幾有用!

兩個假BB放埋一齊好攪笑,好似孖B兄弟

以下係實習班禮物,袋內有一條大紗巾!

5最高分
內容吸引:
禮物吸引:

雅培"產前及互動湊B實習"免費講座(2)

26/8/2012(31W3D)
今次係我第二次參加"雅培"講座!雖然內容一樣,但聽多次都吾怕,因為講師真係講得幾好!
另外個MC話今次份大獎係第一次送出,之前未試過咁大份喎!份大獎就係多左一張網床!不嬲都無抽獎運既龍B媽同龍B爸當然無份啦!
今次同上次份禮物有D野吾同左,我好鍾意頂帽仔,熊仔手套同Kiss Me口水肩!

5最高分
內容吸引:
禮物吸引:

雅培入會禮物(3)

琴日去TST"荷花"拎雅培入會禮物,就係"袋"一個!個袋顏色同Size都OK,但可惜個袋中間有個雅培媽媽會大大隻字係度,我念緊好吾好拆左佢先用!

5最高分
禮物吸引: