陀龍BB正式踏入第8個月

30/8/2012(32W)
今日陀龍BB正式踏入第8個月喇!

時間可以話快又可以話慢,頭幾個月覺得時間好似好漫長咁,有排都未生得,所以買野比龍BB時又可以慢慢格下價,睇下邊樣好D先再考慮都未遲!

間中又可以去聽下講座,行下BB展!念起都幾開心,可能有得Shopping買野比龍BB又有得拎禮物,心情都特別愉快!

直到依幾日,開始覺得時間過得好快,好似有好多野未準備好咁,但事實上眼見龍BB既用品都已經有齊,有時真係會驚龍B媽究竟重有無野漏架!因為好老實講,今次又係龍B媽第一胎,好多知識都係由Bolg上面既媽媽到得知,所以真係好彩有各位媽媽既提點!

最近開始覺得個肚又越來越大,越來越重(肚圍39", 體重129lb),龍BB又無時無刻咁踢,雖然有時覺得有D吃力,但係都會開心龍BB咁活躍!

而家龍B爸已經落左指令,吾比龍B媽再去咁多講座,行街Shopping之類,因為龍B爸驚龍B媽太辛苦!好彩,想聽既講座大致都聽晒,亦都學到好多有關懷孕既需知,真係幾有用!

重有兩個月就可以見到龍BB出世喇,龍B媽同龍B爸真係好希望龍BB係依兩個月內再不斷吸收多D營養,要肥肥白白,健健康康咁出世!千析吾好心急要見龍B媽&龍B爸搶閘出世呀,知無!