給多點愛

1Y6M22D
最近好有感而發, 好想舒發下!

平日返工見到龍BB 既時間只有朝早臨出門口前(龍BB 通常較啱依個時間起身), 就會好依依不捨(大喊/拖實我吾比我走) 咁睇住我出門口, 有時要忍心D 先得, 不過出左門口都聽到龍BB 喊真係心都痛埋! 另一個時間就係去婆婆度接龍BB  返屋企沖完涼再陪佢玩一陣, 好快到9點半就陪佢上床訓覺喇! 其實見到龍BB 既時間真係好吾夠 , 我覺得自己少左好多時間教佢陪伴佢, 最近龍BB 連"媽媽"都叫少左, 有時叫佢攬攬都無咩反應吾理我, 不過好彩龍BB 都重好樂意錫錫我, 如果連咁都無反應就真係hurt 爆我個心!

另外又覺得龍BB 曳左好多, 平時聽公公婆婆講龍BB 勁活躍, 係屋企走過不停擒枱擒"隥", 攪到成日撞到周身損/瘀, 就算公公婆婆鬧佢都吾驚! 講真我放工返去見到咁真係好吾開心, 好似因為我要返工無得好好管教佢而放縱左佢變得曳晒!

至於教導方面又退步左, 本來想同佢介片片, 但係平日公公婆婆又吾協調, 覺得吾洗咁早介既關係所以就無左件事, 唯一辦法係放假先可以同龍BB 嘗試介片片, 不過講真一星期七日得兩日先介其實真係無咩大作用, 真係吾知可以點做! 之前FTM 個陣覺得龍BB 好授教, 而家少見左龍BB 好似教佢野都吾係點理我, 連學講A至Z / 1至10都少講左!

今晚放左工攬住龍BB 又念起依個問題, 再同老公傾訴個陣真係忍吾住攬住龍BB 喊, 覺得自己返工比少左愛龍BB, 我好想再比更多更多更多既愛同付出去教導,照料龍BB!

龍BB, 媽咪真係好愛你, 雖然少左時間陪你但係希望你吾好嬲媽咪, 媽咪會再盡最大努力去愛錫你同陪伴你, 你永遠都係媽咪最愛既寶貝!


好佩服龍BB 可以用輕功坐住個氣球咁耐睇電視, 跟住我叫佢坐返後D 就即刻拿拿臨捱住梳化坐, 真嘆!
                 

龍BB 玩咩玩到O 晒嘴, 就係當龍BB 一拎開Daddy 隻手見到佢個"加拿大"之後個反應, 哈哈!

第一次BBQ (二舅父生日)

1Y6M17D
依篇 Blog 係想回顧返龍BB 第一次參與二舅父慶祝生日既BBQ 活動! 話晒龍BB 都係第一次BBQ (其實係大人BBQ, 佢就周圍走無時停 =.=), 又係二舅父既生日, 所以好想記低佢!

1Y4M30D
一大清早約晒公公婆婆, 姨媽一家出發入元朗(因為我地住得好近所以約埋), 到左元朗再Join 埋大舅父一家去二舅父屋企, 二舅母好細心一早已經預備好食物! 其實當日好驚會落雨, 所以天台亦拉好晒帳篷為免燒燒下落雨! 龍BB 當日有表哥表姐陪佢玩, 我同老公就可以舒舒服服BBQ!



二舅父屋企養左兩隻貓一隻狗, 龍BB 平時係街見到D 狗狗都好大反應, 但係可以咁近距離同時接觸貓狗真係第一次! 當龍BB一入到屋見到佢地已經第一時間走過去摸佢地, 龍BB 真係一D 都吾驚(可能係未識驚先敢自己走去摸)! 佢重係咁追住摸隻貓想同佢玩, 連隻貓都怕左佢haaaaa!


我地BBQ 到大約5點幾再切埋蛋糕就走喇! 其實個日BBQ 中段都落左一陣微雨但好快又停左, 到我地夜晚各自返到屋企時天文台就掛黑雨! 所以真係天公造美, BBQ 時令我地可以好順利慶祝二舅父生日既BBQ 活動!

 龍BB: 玩到攰攰地, 坐低抖下先!
     

 

 龍BB:等我自己吉野食先! 哎呀, 比媽咪發現左tim~~
 

龍BB: 我要飲汽水, 我擰擰擰, 得左!
 

龍BB: 我要扮戰士拎住把劍打怪獸, 嘩哈哈哈......
 

 

 

 

 

2nd Happy Mother's Day 2014

1Y6M14D

今年係龍BB第二年同我過母親節，其實我好期待依一日既來臨，雖然龍BB重細未識自己送禮物比我，又未識講'MaMa I Love U', 不過只要有假放可以同龍BB對足一日咁已經覺得好滿足喇！

講起送禮物，今個母親節我真係估吾到老公會送禮物比我，佢當日中午突然話有個朋友比野佢要落樓下拎，原來佢托個朋友買左盒燕窩比我當母親節禮物，我即場笑左出黎，因為我覺得依份母親節禮物好攪笑，攪到我好似好老要補身咁，老套得黎又窩心，因為真係估吾到會有意外驚喜既母親節禮物……haaaa 

1Y6M11D

正日當日我都要同我既母親大人慶祝，一家大細book左一圍枱食晚飯，一家人齊齊整整食飯有傾有笑真係好開心，不過龍BB個晚吾知做咩個個都吾比抱，一有人抱佢就即刻用好可憐既樣係咁叫媽媽，真係話咁易就比佢溶化左我！！

1歲半健康院成績表

1Y6M10D
今日同左龍BB 返左健康院打4合1針, 其實今次依張 1歲半既成績表都算吾錯, 姑娘有讚龍BB 發展得好好! 而家龍BB 有28 lbs 重 & 80cm 高, 姑娘話佢係屬於大隻類型, 按生長線黎睇已經去到最高, 如果再重d就會變成超重, 好彩而家係啱啱到位無超標!

打針前姑娘考左以下幾樣野:
1) 比個碗同匙巾龍BB, 叫佢餵公仔食野 --- 合格
2) 疊積木 --- 合格
3) 指眼耳口鼻 --- 合格
4) 叫佢Hello & bye bye --- 合格
5) 比支筆佢畫畫 --- 合格
6) 姑娘問: 平時比咩玩具龍BB 玩? 我答: 畫版, 波波, 電話, 琴......之類
7) 姑娘 問: 聽吾聽指令, 聽覺視力好吾好? 我答: 正常
8) 姑娘問: 識吾識自己坐底起身, 手腳肌肉好吾好? 我答: 正常, 重會自己上樓梯, 擒上去玩sir 滑梯!
9) 姑娘問: 識吾識講單字?
我答: 之前肯講單字, 但係最近就少講單字, 反而講一大輪BB 話!
姑娘: 佢想模仿大人講野, 所以開始有一大輪BB 話, 但係應該要比佢由單字學起, 而家學大人講野會急左D! --- 最後姑娘叫龍BB 2歲再返去check 下講野, 不過如無特別我應該吾會返去, 因為到龍BB 2歲時已經返緊PN, 我吾想佢平日請假去, 加上朋友話到時返去都只係比本書龍BB 睇下講下野, 所以可以吾洗返!

到打4合1針時, Daddy 負責抱住龍BB, 我就負責禁住佢隻手, 其實當時見到龍BB 個驚慌眼神, 完全係覺得佢知道發生緊咩事咁, 龍BB 真係好乖坐定定等打針完全無反抗! 當一打完針, 龍BB 即時喊左一陣, 相信依支針都幾痛, 因為過往龍BB 打針係好少喊! 跟住我即刻抱返龍BB 呵返佢, 好快龍BB 又無喊繼續攪下其他野玩喇! 之後隔一星期又要再同龍BB 去私家打HIB, 真係好密呀!

到左夜晚陪龍BB 訓前飲奶時, 發覺龍BB 有D 燒, 一探熱原來已經有38.3度, 等佢一飲完奶就那那臨比藥佢食, 食完呵一陣就訓左覺喇! 希望龍BB 快D 退燒, 第二日重要係母親節, 係我好期待既節日, 重要同婆婆出街街食飯慶祝, 所以一定要快快好返呀!

送一張龍BB 既lam lam相比大家啦!

17個月 01 Apr 2014 + 18個月 01 May 2014

1Y6M5D (2014.5.5)
 回顧返龍BB 16~18個月又成長左好多喇, 佢完全聽得明大人講咩, 只係有時佢會用一大輪BB 話去回應, 其實feel 到佢明白肯乖乖去做已經覺得好叻叻! 不過依兩個月龍BB 既脾氣大左好多, 有時會扮扭計等大人去氹佢, 有時曳起上黎又會係屋企訓地, 抱起佢就會將個身擺黎擺去推開我, 試過有次扭到打左我一下, 我當時即真係心都痛埋, 跟住就輪到我即刻扮喊吾開心要龍BB 鍚返Hall 返, 龍BB 一見到我咁佢又會即刻鍚返我用手輕力Hall 返我, 個刻即時心都甜晒, 又會再同龍BB 攬攬鍚鍚一輪! 講真, 見龍BB 有咁既行為真係個心有D安慰, 知道龍BB 都係好鍚媽咪!

龍BB 好鍾意同小朋友玩, 吾知係咪同表哥玩得多, 比佢大幾年既小朋友佢都吾會驚一樣走去同佢地玩! 有時遇到細過佢既BB 喊, 龍BB 又會識主動拎玩具比BB 分享! 好主動既龍BB 出親街食飯都成日撩隔離枱D大人玩, 又成日對人笑放生電, 不過咁樣都好, 有人陪佢玩下我同老公就可以慢慢食喇!

食
而家大人食親咩龍BB 都會跟住食, 有時專門煮比佢既正餐佢都會吾食, 係都要食大人食物先得, 不過有時連大人食物都吾食淨係肯飲奶, 試過有幾日幾餐都只係飲奶就夠, 真係吾明點解越大越細食!
越黎越吾鍾意食飯, 淨係肯食河粉/通粉!
進食時間7:30(奶)~13:00(粉)~18:30(少飯)~21:30(奶)
勁鍾意食動物餅, 星星餅都要企埋一邊!

訓
已經吾會半夜起身, 通常都會一覺訓到大天光! 不過有時半夜會叫幾聲, 拍拍背好快又訓返!
龍BB 有個習慣, 夜晚通常我會陪龍BB 飲奶訓覺, 訓前佢一定要摸住我條頸/心口/手/面, 佢先會訓著, 相信係想有大人陪住有安全感D!

便便
 一日一至兩次, 好暢順!
通常會朝早起身一次, 下午又一次!
重未教佢介片片去洗手間!

發展
最近少左講單字, 而家通常會講一大輪BB 話, 有時語氣表情學埋大人, 真係比佢笑C!
聽得明大人講咩, 叫佢幫手掠衫, 龍BB 會一個一個衣架拎比我, 我掛完衫上衣架叫佢比Daddy, 佢又會逐件遂件拎去比Daddy! 龍BB 會幫手做家務, 叫佢抺Playmat 上面D 公仔, 佢真係會遂個遂個去抺! 叫佢Clean up 又會幫手收拾D 玩具!
龍BB 好鍾意同人玩, 主動大膽左好多, 吾怕陌生人, 好快適應環境!
手腳好敏捷, 鍾意跑黎跑去, 擒高擒低無時停!
一聽音樂會un 下un, 成日會跟住唱歌!
食飯要自己拎匙巾畢先肯食, 不過佢鍾意用左手, 我會教返佢用右手, 不過聽過有媽媽話而家未洗刻意教佢用右手, 大D 自然會識用返右手喎??!!
龍BB好鍾意鍚Daddy 媽咪, 好識冧我地, 放工返黎一定要攬攬鍚鍚!

1Y4M20D~ 勁鍾意banana, 要自己拎住一大條banana, 食到lam lam 俐!


1Y4M22D~ 第一次去圖書館, 同Daddy 手拖手慢步! (其實係龍BB 拖住Daddy 行快d 就真)
入到去圗書館見到隻牛牛第一時間衝過去!
              

之後周圍拎書睇, 見到隻Dog 就勁肉緊咁指住講Dog Dog!
                      

睇完圖書再去公園玩陣!
       

1Y4M23D~ P牌仔出動!


1Y4M30D~ 好鍾意著大人鞋, 自己著住一隻又要幫Daddy 著埋另一隻!
  

1Y4M31D~ 肯擺Post 比媽咪影相真係第一次!
                            

1Y5M7D~ 貪靚龍BB, 掛住照鏡吾願走!


1Y5M19D~ 父子同心, 兩父子合力完成份復活節禮物!
    

1Y5M27D~ 畫畫, 教左一陣先肯用右手, 雖然吾知畫咩, 但係個樣都有板有眼!
   

1Y6M~ 歲半喇, 又大個仔喇! 破例比龍BB 食花花 Tealamisu, 睇個樣就知Yummy Yummy啦!!
    

第一次去 Salon

1Y6M4D (2014.5.4)
除左龍BB 出世頭幾個月係公公幫佢挮光頭外, 之後龍BB 個髮型一直係由我依個媽媽操刀, 但係直到龍BB 越黎越大個開始難控制, 加上又驚自己手勢吾好剪左個薯仔頭咁就吾好啦, 所以決定襯前排熱熱地帶佢去Salon 剪頭髮!

1Y5M21D (2014.4.21)
入到Salon 話幫BB 剪頭髮, 師傅一見到老公即刻問"係咪要剪到同Daddy 一樣呢", 我即時話吾好掛, 咁老積! 但係當時老公又覺得父子頭幾得意所以就舉腳讚成! 跟住老公就負責抱住龍BB, 不出我所料, 第一次去Salon 既龍BB 真係驚到暈, 要我地三個合力又氹又分散佢注意先可以用一個鐘時間完成! 最後出黎個髮型都勁襯龍BB, 又爽又型, 可以出去追女仔喇!

師傅一拎起較剪, 龍BB 已經驚定先, 攬實Daddy吾放!


重要全程怒啤師傅!


擺出一副勁不滿個樣!
龍BB: 叔叔, 吾好攪我個型仔頭呀!


剪完即刻帶龍BB 返屋企沖涼, 之後再帶佢落會所玩返陣!
(前睇)


(側睇)


(後睇)......都咁型仔, 靚仔晒!!
 

龍BB: 等我學下自己吹型D個髮型先!
 

由(全職媽媽)變(在職媽媽)

1Y6M3D (2014.5.3)
各位Blog 友好耐無見喇, 好掛住Blog Blog BB'S 呀! 黎緊我都要努力再Update 返個Blog, 希望可以盡快補返之前想寫既野!

其實失蹤左一排無得寫Blog 係因為屋企要Join 寬頻上網, 等左差吾多一個月xx寬頻竟然用拖字決都重未可以安排幫我裝, 攪到嬲嬲地要搵過另一間公司裝寬頻, 而家依間效率好快, 登記完兩日就幫我裝好, 早知一早搵佢就吾洗咁嬲啦!

講返正題, 相信有好多媽媽都會為左照顧BB 由(在職媽媽)變為(全職媽媽), 相反我就由(全職媽媽)變為(在職媽媽)! 其實由龍BB 一出世親手照顧佢到1歲每一個畫面都真係好深刻, 可以每日陪住龍BB, 照顧佢, 睇住佢成長真係好開心, 依一年做(全職媽媽)真係絕對值得!

老實講, 我自己真係無念過會做左(全職媽媽), 因為我成日覺得我係一個吾可以吾工作既人, 正所謂手停口停! 但係當生左龍BB 之後真係好想試下自己湊, 其實睇住龍BB 由一個初生BB 到學始識同人互動, 學習吸收各樣事物, 做媽媽可以第一個睇到龍BB 好多既第一次真係好感動, 所以湊下湊下就越黎越黎吾捨得, 湊龍BB 既日子又過得好快, 咁就1年喇 ! 而家每日朝早就將龍BB 交比公公婆婆湊, 到放工就接佢返黎沖涼, 同佢玩下, 到9點半就陪佢訓覺, 每日既時間真係過得好快! 其實初初幾日真係好吾慣, 有打算請個姐姐照顧, 但係公公婆婆又開金口想湊孫, 加上老公又吾係咁放心請姐姐, 所以都打消依個念頭, 不過好快我地又習慣左咁既模式喇!

講真, 出返黎做野之前自己有幾點都爭扎左一排, 相反老公就好想我繼續自己湊, 不過到最後我都係選擇做一個(在職媽媽), 為左龍BB, 我要繼續努力向我目標進發, 繼續加油!

以下有幾點都爭扎左一排
1) 吾想老公負擔咁重, 始終一個人要養起三個人真係吾係一件容易事(講左心聲比老公聽好多次, 但佢依然都係個句, 叫我吾洗擔心, 想我自己繼續湊龍BB)

2) 覺得龍BB 好痴身, 一行開就喊晒咁搵媽媽, 真係24小時都痴實左 (吾想龍BB 太痴媽咪, 怕佢痴慣左再大DD無左媽咪係身邊都會喊晒, 另一方面都想佢痴下Daddy)

3) 有時湊得悶悶/嬲嬲地好想抖下氣, 做(全職媽媽)真係將所有時間比晒龍BB, 就算想用少少時間出街做下自己野都無

4) 始終自己搵自己洗真係會痛快D, 吾洗下下同老公就住就住......哈哈