依篇 Blog 係想回顧返龍BB 第一次參與二舅父慶祝生日既BBQ 活動! 話晒龍BB 都係第一次BBQ (其實係大人BBQ, 佢就周圍走無時停 =.=), 又係二舅父既生日, 所以好想記低佢!
1Y4M30D
一大清早約晒公公婆婆, 姨媽一家出發入元朗(因為我地住得好近所以約埋), 到左元朗再Join 埋大舅父一家去二舅父屋企, 二舅母好細心一早已經預備好食物! 其實當日好驚會落雨, 所以天台亦拉好晒帳篷為免燒燒下落雨! 龍BB 當日有表哥表姐陪佢玩, 我同老公就可以舒舒服服BBQ!
二舅父屋企養左兩隻貓一隻狗, 龍BB 平時係街見到D 狗狗都好大反應, 但係可以咁近距離同時接觸貓狗真係第一次! 當龍BB一入到屋見到佢地已經第一時間走過去摸佢地, 龍BB 真係一D 都吾驚(可能係未識驚先敢自己走去摸)! 佢重係咁追住摸隻貓想同佢玩, 連隻貓都怕左佢haaaaa!
.jpg)
我地BBQ 到大約5點幾再切埋蛋糕就走喇! 其實個日BBQ 中段都落左一陣微雨但好快又停左, 到我地夜晚各自返到屋企時天文台就掛黑雨! 所以真係天公造美, BBQ 時令我地可以好順利慶祝二舅父生日既BBQ 活動!
龍BB: 玩到攰攰地, 坐低抖下先!
龍BB:等我自己吉野食先! 哎呀, 比媽咪發現左tim~~
龍BB: 我要飲汽水, 我擰擰擰, 得左!
龍BB: 我要扮戰士拎住把劍打怪獸, 嘩哈哈哈......
龍B咁有霸氣，想吹晒成支汽水咁喎 XD
回覆刪除其實裏面係水，佢真係以為係汽水想吹晒佢haaaa
刪除好勁喎，真係識擰開個汽水樽來飲
回覆刪除我地幫佢擰開左一半先再等佢自己開埋另一半！
刪除我都想去BB蕉呀! 不過而家太熱啦... 其實我娘家樓下就有得燒, 不過要顧住tarebaby又可能唔太盡興, 如果O係親戚朋友屋企就唔同啦, 玩都安心D~
回覆刪除龍BB好似同BB時唔同左, 個樣大個左呢~
而家真係又熱又焗, 要等再涼D先BBQ會好D......
刪除如果有人幫手陪下佢地玩睇住佢地真係會方便好多!
龍BB 個樣已經無咁BB喇, 其實到依家重好掛住佢個BB樣!!