回顧返龍BB 16~18個月又成長左好多喇, 佢完全聽得明大人講咩, 只係有時佢會用一大輪BB 話去回應, 其實feel 到佢明白肯乖乖去做已經覺得好叻叻! 不過依兩個月龍BB 既脾氣大左好多, 有時會扮扭計等大人去氹佢, 有時曳起上黎又會係屋企訓地, 抱起佢就會將個身擺黎擺去推開我, 試過有次扭到打左我一下, 我當時即真係心都痛埋, 跟住就輪到我即刻扮喊吾開心要龍BB 鍚返Hall 返, 龍BB 一見到我咁佢又會即刻鍚返我用手輕力Hall 返我, 個刻即時心都甜晒, 又會再同龍BB 攬攬鍚鍚一輪! 講真, 見龍BB 有咁既行為真係個心有D安慰, 知道龍BB 都係好鍚媽咪!
龍BB 好鍾意同小朋友玩, 吾知係咪同表哥玩得多, 比佢大幾年既小朋友佢都吾會驚一樣走去同佢地玩! 有時遇到細過佢既BB 喊, 龍BB 又會識主動拎玩具比BB 分享! 好主動既龍BB 出親街食飯都成日撩隔離枱D大人玩, 又成日對人笑放生電, 不過咁樣都好, 有人陪佢玩下我同老公就可以慢慢食喇!
食
而家大人食親咩龍BB 都會跟住食, 有時專門煮比佢既正餐佢都會吾食, 係都要食大人食物先得, 不過有時連大人食物都吾食淨係肯飲奶, 試過有幾日幾餐都只係飲奶就夠, 真係吾明點解越大越細食!
越黎越吾鍾意食飯, 淨係肯食河粉/通粉!
進食時間7:30(奶)~13:00(粉)~18:30(少飯)~21:30(奶)
勁鍾意食動物餅, 星星餅都要企埋一邊!
訓
已經吾會半夜起身, 通常都會一覺訓到大天光! 不過有時半夜會叫幾聲, 拍拍背好快又訓返!
龍BB 有個習慣, 夜晚通常我會陪龍BB 飲奶訓覺, 訓前佢一定要摸住我條頸/心口/手/面, 佢先會訓著, 相信係想有大人陪住有安全感D!
便便
一日一至兩次, 好暢順!
通常會朝早起身一次, 下午又一次!
重未教佢介片片去洗手間!
發展
最近少左講單字, 而家通常會講一大輪BB 話, 有時語氣表情學埋大人, 真係比佢笑C!
聽得明大人講咩, 叫佢幫手掠衫, 龍BB 會一個一個衣架拎比我, 我掛完衫上衣架叫佢比Daddy, 佢又會逐件遂件拎去比Daddy! 龍BB 會幫手做家務, 叫佢抺Playmat 上面D 公仔, 佢真係會遂個遂個去抺! 叫佢Clean up 又會幫手收拾D 玩具!
龍BB 好鍾意同人玩, 主動大膽左好多, 吾怕陌生人, 好快適應環境!
手腳好敏捷, 鍾意跑黎跑去, 擒高擒低無時停!
一聽音樂會un 下un, 成日會跟住唱歌!
食飯要自己拎匙巾畢先肯食, 不過佢鍾意用左手, 我會教返佢用右手, 不過聽過有媽媽話而家未洗刻意教佢用右手, 大D 自然會識用返右手喎??!!
龍BB好鍾意鍚Daddy 媽咪, 好識冧我地, 放工返黎一定要攬攬鍚鍚!
1Y4M20D~ 勁鍾意banana, 要自己拎住一大條banana, 食到lam lam 俐!
1Y4M22D~ 第一次去圖書館, 同Daddy 手拖手慢步! (其實係龍BB 拖住Daddy 行快d 就真)
入到去圗書館見到隻牛牛第一時間衝過去!
之後周圍拎書睇, 見到隻Dog 就勁肉緊咁指住講Dog Dog!
睇完圖書再去公園玩陣!
1Y4M23D~ P牌仔出動!
1Y4M30D~ 好鍾意著大人鞋, 自己著住一隻又要幫Daddy 著埋另一隻!
1Y4M31D~ 肯擺Post 比媽咪影相真係第一次!
1Y5M7D~ 貪靚龍BB, 掛住照鏡吾願走!
1Y5M19D~ 父子同心, 兩父子合力完成份復活節禮物!
1Y5M27D~ 畫畫, 教左一陣先肯用右手, 雖然吾知畫咩, 但係個樣都有板有眼!
1Y6M~ 歲半喇, 又大個仔喇! 破例比龍BB 食花花 Tealamisu, 睇個樣就知Yummy Yummy啦!!
龍bb仲咁大隻，食少左少少少唔駛咁擔心。
回覆刪除我現在已半放棄狀態，南瓜仔唔食就算，因為我又要餵妹妹食奶，再無咁多時間餵佢。
有時龍BB吾肯食我都由佢，冇晒辦法！
刪除龍B個啜嘴樣好可愛呀^^
回覆刪除佢好有大哥風範呀，見到細BB喊識得分享玩具黎氹氹！仲會識呵番媽咪，叻仔！
肚B仲係唔多識性，有時佢整到我我扮喊，佢都唔理我嘅，嗚嗚…
十次有兩次龍BB都吾理我架，我會lur 到佢鍚我為止(變態媽媽)XD
刪除無見一排...龍bb大個仔左好多啦~~~~
回覆刪除Yeah, 快高長大！
刪除佢講dog dog個樣真係夠晒肉緊呀!
回覆刪除我發覺所有男仔都有至少一個停車場玩具! hahaha...
其實買左返黎我玩得重多過佢！heee
刪除兩父子合力完成份復活節禮物!<==我諗大部分爸爸都會買停車場比仔仔。。。。同自己玩
回覆刪除哈哈
可能又係同車有關所以會特別鍾意......haaa
刪除佢個豬咀真係電死EE啦﹗等我下次見佢時都畀D dog dog相佢睇先﹗
回覆刪除最近龍BB 真係愛上成日對住人豬咀撩人玩......
刪除